Tarifa parkimi për motoçikletat dhe skuterët – Kryeqyteti francez merr masa të reja për shkak të klimës dhe shëndetit publik!

Shoferët e motoçikletave dhe skuterëve në Paris janë të shqetësuar për një lëvizje për t’i detyruar ata të paguajnë për parkimin. Autoritetet në kryeqytetin francez do të vendosin tarifa të reja për automjetet me dy rrota nga e enjtja, 1 shtator.

Qyteti thotë se ndryshimi është i nevojshëm për t’iu përgjigjur “çështjeve të klimës dhe shëndetit publik”.

Aktualisht do duhet të paguhet 3 euro në orë për motoçikletat në qendër të Parisit dhe 2 euro në rrethet e jashtme. Banorët mund të paguajnë 22,50 euro për një kartë vjetore që u jep të drejtën për një tarifë prej 0,75 euro në ditë.

Dyqanet e motoçikletave thonë se vendosja e tarifave të parkimit i ka shtyrë konsumatorët të kalojnë në motoçikletat elektrike dhe skuterët, të cilët janë të përjashtuar nga pagesa.

Yoni Lugassy, ​​menaxher i një dyqani motoçikletash në Paris, thotë se shitjet e motorëve me dy rrota kanë rënë me 20% që nga fillimi i vitit.

Ai tha se është rritur puna nga shtëpia pasi COVID-ja kishte reduktuar përdorimin e motoçikletave dhe se tarifat e parkimit vetëm do ta shtonin këtë trend.

David Belliard, ndihmës kryetari i bashkisë së Parisit, tha se masa kishte të bënte me inkurajimin e udhëtarëve që të përdorin forma të tjera transporti.

“Është një masë e diskutueshme, shumë njerëz nuk janë të lumtur,” tha ai. “Por ka edhe shumë njerëz që presin këtë masë. Jemi në një regjim përjashtimi për makineritë që zënë hapësirë ​​në zona ​​publike, që bëjnë zhurmë dhe që ndotin.

“Shumica dërrmuese e njerëzve që vijnë sot në punë e bëjnë këtë me transport publik. Është vlerësuar se 100,000 skuter dhe motoçikleta kalojnë nëpër Paris. Ne duam të inkurajojmë lëvizjen në forma të tjera të reja dhe aleternative.”

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.