“Të indeksohen pagat dhe pensionet” – Radonshiqi: Paketa antikrizë ka nevojë për rishikim!
Në kushtet kur kriza e rritjes së çmimeve po vijon, qeveria duhet të shikojë mundësinë për indeksimin e pensioneve dhe pagave, si një mënyrë për të mbrojtur këto kategori nga kostot e shtuara.
Në një intervistë për SCAN TV, ekspertja e ekonomisë Romina Radonshiqi, shprehet se buxheti aktualisht i ka hapësirat për rishikim për shkak të tejkalimit të të ardhurave.
Nga ana tjetër, Radonshiqi sugjeron edhe rishikimin e paktës antikrizë në ndihmë të grupeve vulnerabël, duke qenë se afati i saj përfundon muajin Qershor.
Për të amortizuar rritjen e çmimeve, qeveria vuri në dispozicion 3 mijë lekë në muaj për një periudhë 3 mujor për familjet në nevojë dhe pensionistët.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.