Tendenca/ Rritja e çmimeve, ku po investojnë shqiptarët? – Raporti: Kryesojnë depozitat mbi 2 vjeçare dhe bonot 12 mujore

Rritja e fortë e çmimeve ka bërë që shqiptarët të riorientojnë planin e investimit të kursimeve të tyre në alternativa që u ofrojnë më shumë fitim.

Titujt qeveritarë, në tremujorin e tretë të vitit, nuk rezultojnë shumë të preferuar për individët, që paratë e tyre po i orientojnë në depozitat e sistemit bankar, duke mos i preferuar shumë bonot dhe obligacionet qeveritare, pavarësisht rritje së fortë të fitimit në to.

Gjithsesi, për këto të fundit, janë bankat që po i preferojnë më shumë titujt dhe kanë rritur pjesëmarrjen në ankande. Raporti i tremujorit të tretë të Politikës Monetare nxjerr në pah se edhe pse investimi në bono e obligacione është bërë më tërheqës, individët po preferojnë më shumë depozitat me afat mbi 2 vjeçar kundrejt opsioneve të tjera si depozita likuide apo bono e obligacione qeveritare.

“Prej më shumë se një viti, vihet re tendenca e individëve për të vendosur kursimet në depozita me afat mbi dy vjet, në kërkim të kthimeve më të larta. Të dhënat tregojnë se rritja e kontributit të depozitave me afat po kompenson kontributin më të pakët që japin depozitat pa afat në rritjen totale. Rritja e normave të interesit në vend dhe jashtë duket se mbështet këtë zhvendosje të preferencës për të mbajtur kursimet nga depozita likuide në depozita me maturitete më afatgjata” shkruhet në raportin e Bankës së Shqipërisë.

Një element tjetër që evidentohet më tej nga banka është se kursimet e shqiptarëve po rriten më shumë në valutë sesa në lek.

Ndërkohë, sa i përket titujve qeveritarë, edhe pse politika e qeverisë për ristruktutrimin e borhxit ëhstë që të orientohen më shumë drejt titujve afatgjatë, më të preferuarat këto kohë po rezultojnë bonot 12 mujore.

SCANhttps://youtu.be/s6Euu9SLGfk

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.