Tender i ri për lumin Vjosa – Pas shpalljes Park Kombëtar, nis gara për konsulentin!

Pas vendimin për anulimin e koncesioneve të hidrocentraleve dhe shpalljen si zonë e mbrojtur, për lumen Vjosa ka nisur procesi për konkretizimin e projektit të radhës. Synimi është ndërtimi i një parku model, pjesë e të cilit do të jenë edhe kompani private dhe shoqëria civile

Pas vendimit për ta shpallur zonë të mbrojtur, ministria e Kultutrës ka shpallur tenderin për të përzgjedhur konsulentin për vlerësimin e basenit ujëmbledhës dhe ekosistemit lumor të Lumit Vjosa me qëllim shpalljen “Park Kombëtar Lugina e Vjosës” dhe hartimin e projekt-planit të nënzonimit të territorit të Zonës së Mbrojtur”.

Fondi limit është 14 milionë lekë dhe parashikon realizimin e një studimi të detajuar dhe nënzonimin e territorit të zonës së mbrojtur.

Pritet që në vitin 2023 të zhvillohet një plan menaxhimi i detajuar për zonën, përfshirë këtu dhe një plan operacional të detajuar.

Në Shqipëri lumi Vjosa përshkon rreth 192km, duke kaluar në zona malore dhe fushore, deri në derdhjen e tij në detin Adriatik. Në muajin qershor, qeveria shqiptare vendosi të shpallë lumit Vjosa si ‘Park Kombëtar’, një vendim që ndihmon ruajtjen e një prej lumenjve të fundit të egër të Europës. Për të arrritur në këtë vendim, u organizuan një serë peticionesh e protestash për faktin se aty ishte planifikuar ndërtimi i 8 hidrocentraleve, që sipas ekspertëve, do të sillte shkatërrimin e lumit.

Vendimi që solli anulimin e koncesioneve të hidrocentraleve u shoqërua nga një marrëveshje për mes qeverisë dhe një organizate ambientaliste amerikane për hartimin e një plani të qendrueshëm për ndërtimin e Parkut Kombëtar të lumit Vjosa. Synimi në këtë rast është ndërtimi i një parku model për Ballkanin, përmes bashkëpunimit mes strukturave shtetërore, kompanive private dhe shoqërisë civile.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.