Tetori Rozë – Rama thirrje grave dhe vajzave të kryejnë mamografinë

Në nisje të muajit të ndërgjegjësimit ndaj kancerit të gjirit, kryeministri Edi Rama nëpërmjet një njoftimi të publikuar në faqen e tij zyrtare i është drejtuar me një thirrje të gjitha grave dhe vajzave që të kryejnë mamografinë.

Rama ju ka bërë thirrje të gjitha grave dhe vajzave që të marrin fare pak kohë për t’u kujdesur për veten, duke bërë mamografinë si dhe ju kujtoi të gjitha familjeve për t’u përkujdesur ndaj nënave, grave, motrave e vajzave që të kryejnë kontrollet mjekësore për të parandaluar surpriza të padëshiruara shëndetësore.

Fillimi Tetorit nënkupton fillimin e muajit të ndërgjegjësimit të Kancerit të Gjirit. Muaji i vetëdijesimit të Kancerit të Gjirit, ndihmon në rritjen e vëmendjes dhe mbështetjes për vetëdijen, zbulimin dhe trajtimin e hershëm, si dhe kujdesin për këtë sëmundje.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.