Tre industritë që nxisin punësimin – Energjia, shëndetësia dhe sektori digjital krijojnë vende pune

Tregu i punës është nën presion të fortë, i cili duhet të përshtatet me të dhënat e reja të krijuara, nga njëra anë, nga pandemia, nga ana tjetër, si dhe nga krizat e fundit gjeopolitike. Në të njëjtën kohë, për shkak të ndryshimeve në industri si pasojë e adoptimit të gjerë i teknologjisë, tranzicioni i gjelbër dhe ristrukturimi i zinxhirëve të furnizimit, ndikime ka dhe në shkallën e krijimit të pozicioneve të reja.

Në mënyrë të detajuar, sipas një raporti të ri të Forumit Ekonomik Botëror, “industritë me perspektiva të mëdha për krijimin e vendeve të punës janë ato në të cilat investimet çojnë në një shkallë të lartë të krijimit direkt dhe indirekt të vendeve të punës. Krijimi i menjëhershëm i vendeve të punës nxitet nga krijimi i bizneseve të reja dhe zhvillimi i atyre ekzistuese.” Ky raport identifikon tre sektorë me perspektivat më të mëdha për krijimin e vendeve të punës në të ardhmen. Këta janë sektori i energjisë dhe materialeve, IT (teknologjia e informacionit) dhe sektori i komunikimeve digjitale dhe në fund sektori i kujdesit, shërbimeve personale dhe mirëqenies.

Në veçanti, sipas Forumit Ekonomik Botëror, shumica e vendeve ndërkombëtarisht janë zotuar të reduktojnë emetimet e gazeve serrë për të adresuar krizën klimatike. Tranzicioni energjetik pritet të çojë në rritje të konsiderueshme të vendeve të punës me rritjen e kapaciteteve vendase të energjisë së rinovueshme. Kina është aktualisht një forcë dominuese në industri, duke siguruar 42% të vendeve të punës për energjinë e rinovueshme globalisht. Megjithatë, bie në sy edhe rasti i SHBA-së, ku ligji për uljen e inflacionit vlerësohet të ketë krijuar 100 mijë vende pune që nga zbatimi i tij në gusht 2022. Vihet re se qeveria amerikane ka nisur investime dhe stimuj tatimorë me vlerë 370 miliardë dollarë për të përshpejtuar tranzicionin e gjelbër në SHBA.

Gjithashtu, adoptimi i teknologjisë dhe transformimi digjital janë faktorë të rëndësishëm në krijimin e menjëhershëm të vendeve të punës, por në të njëjtën kohë edhe forcojnë zhvillimin në sektorë të tjerë.

Investimet në sektorin e shëndetësisë mund të çojnë në krijimin e afro 300 milionë vendeve të punës në mbarë botën. Kjo përfshin 96 milionë vende pune të drejtpërdrejta në kujdesin ndaj fëmijëve, 136 milionë vende pune në kujdesin afatgjatë, si dhe 67 milionë vende pune indirekte në sektorë të tjerë pa kujdes.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.