Treni i parë i mallrave Kinë – Hungari Ngarkesa me panele diellore dhe automjete elektrike kap vlerën e 10 milion dollarësh
Një tren mallrash Kinë – Europë që transporton 100 kontenierë është nisur nga Hefei, qendra e provincës së Anhui, në Kinë lindore, me destinacion Budapestin në Hungari, duke shënuar udhëtimin e parë mes dy qyteteve.
Treni ekspres i ngarkuar me panele diellore dhe automjete elektrike për një vlerë prej 10 milion dollarësh duhet të mbërrijë në kryeqytetin e Hungarisë brenda 18 ditësh duke përshkuar një distancë prej 10.800 kilometrash.
Që nga momenti kur treni kinez i mallrave nga Anhui ka nisur të jetë në shërbim, deri tani janë kryer më shumë se 2.500 udhëtime me destinacione europiane duke e lidhur provincën me 85 qytete në 18 vende të ndryshme.
Këtë vit parashikohet një total prej 500 udhëtimesh për në Europë ndërsa rrjetit do të t’i shtohen dhe 22 destinacione të tjera.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.