Mbi 700 sulme kibernetike çdo javë! – Studimi i Check Point Research, në tremujorin e dytë u rritën me 59% në mbarë botën
Një në 40 organizata regjistroi sulme kibernetike ransomware mesatarisht çdo javë në tremujorin e dytë në mbarë botën, një shifër në rritje prej 59% krahasuar me vitin e kaluar, tregon një studim i Check Point Research (CPR).
Zonat që u prekën më shumë nga sulmet kibernetike janë:
Afrika me një mesatare javore të organizatave të prekura 1 në 21, një rritje vjetore prej 21%.
Europa me një mesatare javore të organizatave të prekura 1 në 66, një rritje vjetore prej më pak se 1%.
Amerika e Veriut me një mesatare javore të organizatave të prekura 1 në 108, një rritje vjetore e lehtë prej 1%.
Australia dhe Zelanda e Re me një mesatare javore të organizatave të prekura 1 në 113, një rritje vjetore prej 18%.
Amerika Latine ka regjistruar gjithashtu rritjen më të madhe të sulmeve, ku 1 në 23 organizata janë prekur çdo javë, një rritje vjetore prej 43%, e ndjekur nga Azia e cila ka regjistruar një rritje vjetore të sulmeve kibernetike prej 33%.
Në përgjithësi, studimi tregon se sektori i shitjeve me pakicë dhe shumicë regjistruan rritjen më të madhe të sulmeve të ransomëare, me një rritje alarmante vjetore prej 182%, i ndjekur nga sektori i distributorëve që pati një rritje vjetore prej 143%. Më pas, sektori qeveritar dhe ushtarak, raporton një rritje të rëndësishme prej 135%, duke arritur një raport prej 1 në 24 organizata të prekura nga ransomëare në baza javore.
Sektori i Arsimit dhe Kërkimit është bërë industria më e sulmuar në nivel global, duke regjistruar mesatarisht më shumë se 2.300 sulme për organizatë çdo javë, një rritje vjetore prej 53%. Sektori i kujdesit shëndetësor regjistroi rritje të sulmeve kibernetike prej 60%, duke arritur në 1342 në çdo javë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.