Ulet sërish çmimi i naftës – Shkak, pasiguria mbi perspektivën ekonomike globale

Çmimet e naftës shënuan rënie të hënën pasi shqetësimet rreth rritjes së normave të interesit, ekonomisë globale dhe perspektivës për kërkesën për karburant tejkaluan mbështetjen nga perspektiva e furnizimeve më të kufizuara për shkak të reduktimeve të ofertës nga OPEC+. Nafta e papërpunuar Brent ra me 75 cent, në 80.91 dollarë për fuçi, ndërsa nafta e papërpunuar e Teksasit Perëndimor u tregtua në 77.13 dollarë për fuçi, 74 cent më poshtë.

Të dyja kontratat ranë më shumë se 5% javën e kaluar, pasi kërkesa e SHBA për benzinë ​​ra në krahsim me një vit më parë, duke nxitur shqetësimet për një recesion tek konsumatori kryesor i naftës në botë. Të dhënat e dobëta ekonomike të SHBA-së dhe të ardhurat zhgënjyese të korporatave nga sektori i teknologjisë shkaktuan shqetësime për rritjen dhe frikë ndaj rrezikut tek investitorët, sipas analistëve. Stabilizimi i dollarit amerikan dhe rritja e yield-eve të obligacioneve po bëjnë gjithashtu presion mbi tregjet e mallrave.

Bankat qendrore nga Shtetet e Bashkuara të Amerikës në Britani dhe Europë pritet të rrisin normat e interesit kur të takohen në javën e parë të majit, në përpjekje për të luftuar inflacionin e lartë. Rimëkëmbja ekonomike me pengesa e Kinës pas COVID-19 gjithashtu turbulloi perspektivën e kërkesës së saj për naftë, megjithëse të dhënat e doganave kineze treguan se importuesi kryesor i naftës së papërpunuar në botë regjistroi vëllime rekord në mars. Importet e Kinës nga furnizuesit kryesorë Rusia dhe Arabia Saudite arritën në 2 milionë fuçi në ditë secila.

Megjithatë, marzhet e rafinimit në Azi janë dobësuar me prodhimin rekord nga rafinerët kryesorë Kina dhe India, duke frenuar oreksin e rajonit për furnizimin në Lindjen e Mesme në qershor. Sidoqoftë, analistët dhe tregtarët mbetën të kënaqur për rikuperimin e kërkesës për karburant të Kinës drejt gjysmës së dytë të 2023 – shit dhe pasi reduktimet shtesë të furnizimit të planifikuara nga OPEC + – Organizata e Vendeve Eksportuese të Naftës dhe prodhuesit aleatë, përfshirë Rusinë – nga maji mund të ushtrojnë sërish presion tek tregjet.

Rimëkëmbja e kërkesës për naftë të Kinës pritet të kompensojë ngadalësimin e kërkesës së OECD-së në afatin e afërt, ndërsa sanksionet dhe kufizimet e ofertës shtojnë rrezikun në rritje të çmimeve, thanë analistët në Bankën Kombëtare të Australisë, duke shtuar se Brent mund të rritet në 92 dollarë për fuçi në fund të tremujorit të dytë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.