Ura mbi lumin Buna kushton 20 milionë euro – Shqipëria nënshkruan 11 marrëveshje me Malin e Zi

Në Podgoricë është mbajtur këtë të hënë mbledhja qeveritare midis Shqipërisë dhe Malit të Zin ë të cilën u nënshkrun gjithsej 11 marrëveshje. Ndërtimi i urës mbi lumin Buna që lidh dy vendet por edhe krijimi i një pike të re kufitare doganore ishin marrëveshjet më të rëndësishme.

“Ne diskutuam për krijimin e projektit infrastrukturor në Bunë i cili do të lidh dy shtete, një produkt i ri tursitik për dy shtetet që si qëllim ka lehtësimin e njerëzve për evitimin e trafikut.Raportet mes dy shteteve janë shembull për Ballkanin Perëndimor  të cilën duhet ta ndjekin edhe shtetet e tjera. Ura do të kushtojë rreth 20 milionë euro nëse ndahet në gjysëm nuk do të jetë aq e shtrenjtë. Pagesa është menduar të bëhet në disa vite. Kemi dhe marrëveshjen e pikës kufitare që do të jetë edhe në ndihmë të kësaj ure”, tha kryeministri i Malit të Zi, Dritan Abazoviç.

Kryeminsitri Edi Rama renditi rëndësinë e marrëveshjeve për Shqipërinë. “Kemi firmosur marrëveshjen në aspektin e jetësimit të vizioneve, që është marrëveshja për ndërtimin e urës mbi lumin Bunë, do e kthejë distancën mes Ulqinit dhe Velipojës në 300 metra nga dhjetra e dhjetra kilometra. Projektin e zbatimit e kemi realizuar mee fondet tona, realizimin do e kemi me fondet e përbashkëta. Ka filluar konsorciumi për gazësjellësin adriatiko-joninan. E rëndësishme është dakordësia për të fuqizuar fondet për projekte ndërkufitare”, tha ai.

Kreu i qeverisë shtoi se kanë vijuar diskutimet midis dy shteteve edhe për projektin e hekurudhës por edhe të Koridorit Blu.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.