“Vdekja” e dyqaneve! Në 10 vite u pakësuan me 104 mijë – Studimi shqetësues: Më libra e ushqime, por rritje e fortë e farmacive

Më pak dyqane librash e lodrash dhe më shumë dyqane celularësh dhe farmaci. Një studim i ‘Confcommercio’ analizon atë që po cilësohet si “vdekja e dyqaneve” në Itali.  Referuar këtij studimi, në 10 vitet e fundit janë pakësuar me më shumë se 1/3 dyqanet e librave, lodrave , mobiljeve e veshjeve. Rënie me 10 % ka njohur edhe numri i minimarketeve dhe i shitësve të ushqimeve.

Por panorama tregtare po ndryshon tendencë. Në 10 vitet e fundit rezulton  se ka një rritje të shpejtë të dyqaneve të teknologjisë dhe sidomos të farmacive. Këto të fundit rezultojnë me rritjen më të madhe në 10 vitet e fundit.

Por ndërsa natyra e dyqaneve po ndryshon, një  element shqetësues është edhe panorama e përgjithshme.

Në periudhën 2012-2022 rezulton se janë mbyllur rreth 104 mijë dyqane, ndërsa janë shtuar me 10 mijë më shumë, restorantet, hotelet e baret.

Këto të dhëna të publikuara nga ‘Confcommercio’ konsiderohet si shqetësuese pasi mbyllja e bizneseve të lagjeve konsiderohet si një cënim i stabilitetit social pasi përfshin humbjen e vendeve të punës por edhe reduktimin e pikave që bashkojnë komunitetet.

Për këtë qëllim, kryebashkiakët dhe operatorët ekonomikë po përgatisin edhe një plan ndërhyrje konkret, me qëllim rikthimin e rolit të duhur të tregtisë së vogël në zhvillimin e komuniteteve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.