Vijon rënia e Dollarit amerikan – Rikuperojnë Franga dhe Paundi!

Dollari amerikan ka vijuar edhe sot të regjistrojë rënie të vlerës sikurse ka bërë gjatë një periudhe të konsiderueshme kohore teksa blihet sot më 94.3 lekë dhe shitet me 95.4 lekë në raport me dje.

Monedha europiane gjithashtu ka shënuar zbritje të vlerës pasi krahasuar me ditën e hënë ka humbur sërish pikë duke u blerë sot me 103.9 lekë dhe duke u shitur me 104.7 lekë sipas kursit të këmbimit lokal.

Franga zvicerane sakaq ka rikuperuar disi pikë nga dita e djeshme pasi është blerë mëngjesin e sotëm me 106.2 lekë dhe është shitur me 107.2 lekë referuar tregut të brendshëm valutor.

Paundi britanik gjithashtu ka pasur një rritje të lehtë të vlerës duke u forcuar disi këtë të martë teksa është blerë sot me 121 lekë dhe është shitur me 122.2 lekë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.