“Vjosa n’Fest”, përtej çdo pritshmërie – Festivali maratonë, Ndoj: 12.000 vizitorë në 3 ditë, kontribut në zhvillimin e turizmit 

Rreth 12 mijë vizitorë iu bashkuan festivalit 3-ditor “Vjosa n’Fest”, duke tejkaluar çdo pritshmëri të “Tirana Ekspres”, që për të dytin vit radhazi organizoi aktivitetin maratonë përgjatë luginës së Vjosës. Festivali u mbajt në data 28 – 30 prill, ndërkohë që të gjitha strukturat akomoduese në Përmet dhe qytetet përreth ishin të prenotuara.

Ndërkaq, në festivalin maratonë nuk munguan as vizitorët e huaj.

Tirana Ekspres prej disa vitesh kontribuon në përmirsimin e turizmit, ruajtjen dhe promovimin e vlerave kulturore dhe natyrore të vendit, ndërkohë që zhvillimi i këtyre aktiviteteve synon të ndikojë në rrtijen e investimeve dhe cilësinë e shërbimit në këtë sektor.

Lugina e Vjosës u shpall Park Kombëtar pas një beteje të gjatë të organizatave të shoqërisë civile, që dokumentuan vlerat e larta natyrore si dhe potencialin e zhvillimit të turizmit që qëndrueshëm përgjatë gjithë luginës. Në këtë kuadër, Ndoj bën me dije se aktiviteti i radhës, planifikohet të zhvillohet në Memaliaj.

Ola Mitre/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.