Vlera e platformës X bie me 71% – Zhvlerësimi më i madh i ish-“Twitter” që nga blerja e Musk

Numri i përdoruesve mujorë të X ka rënë me 15% në vitin e parë që nga marrja në dorëzim e Musk mes shqetësimeve për një rritje të gjuhës së urrejtjes në platformë. Që nga marrja në pronësi nga ana e Musk, X ka shkurtuar të paktën 50% të stafit dhe ka ulur moderimin. Dhe në shtator, Bashkimi Europian paralajmëroi Musk pasi zbuloi se X kishte raportin më të lartë të postimeve të dezinformimit nga të gjitha platformat e mëdha të mediave sociale.

Vlerësimi i rishikuar i Fidelity për X erdhi nga një hetim i cili zgjati deri në fund të nëntorit 2023, raportoi Axios. Ky zbulim shoqërohet me pasojat, pasi një numër kompanish të mëdha tërhoqën reklamat në X pasi Musk miratoi një teori konspirative antisemitike. Musk iu përgjigj bojkotit duke u thënë kompanive që ‘të shkonin në dreq’.

Musk është njeriu më i pasur në botë, sipas Forbes, me një pasuri neto prej 251 miliardë dollarësh. Kur bleu Twitter-in, Musk tha se po blinte kompaninë për t’u përpjekur të ndihmonte njerëzimin. Që nga marrja në dorëzim, Musk ka rikthyer një numër njerëzish të ndaluar më parë nga platforma, duke përfshirë ish-presidentin Donald Trump dhe teoricienin e konspiracionit të krahut të djathtë Alex Jones.

Trump po përballet me më shumë se 90 akuza penale që rrjedhin nga përmbysja e zgjedhjeve të vitit 2020 që ai humbi ndaj Joe Biden, ruajtjes së sekreteve qeveritare pas presidencës së tij dhe pagesave për aktoren porno Stormy Daniels. Ai po përpiqet gjithashtu të shmangë paditë civile mbi çështjet e biznesit dhe një akuzë për përdhunim që konsiderohet thelbësisht e vërtetë nga një gjyqtar.

Ndërkohë, Jones kohët e fundit propozoi të paguante 55 milionë dollarë gjatë 10 viteve për familjet e Sandy Hook, të cilët e paditën atë për përhapjen e gënjeshtrave se vrasjet e shkollës së vitit 2012 në Newtoën, Connecticut, ishin pjesë e një mashtrimi që synonte të detyronte SHBA-në të pranonte kontrollin e armëve.

Oferta e Jones erdhi pasi një gjykatës i Teksasit vendosi që Jones, drejtuesi i Infoëars, nuk mund të kërkonte mbrojtjen e falimentimit për të shmangur pagesën e gati 1.5 miliardë dollarëve që ai u urdhërua t’u paguante familjeve të viktimave të një prej masakrave më vdekjeprurëse në shkolla në historinë e SHBA.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.