Zbutja e ndryshimeve klimatike – Projekti i Universitetit të Tiranës do të zbatohet për një periudhë 3-vjeçare

Universiteti i Tiranës, Fakulteti i Ekonomisë nis zbatimin e projektit për ngritjen e kapaciteteve për forcimin e kërkimit dhe mësimdhënies në fushat e lidhura me Zhvillimin e Qëndrueshëm dhe Ndryshimet Klimatike.

Në kuadër të këtij projekti do të ofrohen kurse intensive për profesionistë të angazhuar në hartimin, zbatimin dhe mbështetjen e politikave për përshtatjen dhe zbutjen e ndryshimeve klimatike.

Projekti do të fokusohet në zhvillimin dhe zbatimin e zgjidhjeve për të zbutur ndikimet e ndryshimeve klimatike dhe për të krijuar një të ardhme më të qendrueshme.

Ky projekt do të drejtohet nga Universiteti i Tiranës, Fakulteti i Ekonomisë si dhe do të zbatohet në partneritet me universitete në Ballkanin Perëndimor, universitete në vendet e zhvilluara të BE si dhe në bashkëpunim me partnerë jo akademik, shoqata biznesi etj.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.