Zëvendësimi i gazit rus – Si ndryshojnë burimet për furnizimin e vendeve të BE

Burime zyrtare të Brukselit kanë konfirmuar me terma të qartë, operacionin e madh të zëvendësimit të gazit që vjen nga Rusia për furnizimin e vendeve të Bashkimit Europian si pasojë e pushtimit rus të Ukrainës.

Në gjashtë muajt e parë të vitit 2022 furnizimet me gaz natyror të lëngshëm  të importuar nga vende të ndryshme nga Rusia janë rritur me 21 miliard metra kub në krahasim me të njëjtën periudhë të vitit 2022. Ndërsa gazi i importuar nga gazsjellës që nuk vijnë nga Rusia është shtuar me 14 miliard metër kub. Në këtë rast bëhet fjalë për gazin që vjen nga Norvegjia, Deti Kaspik, Mbretëria e Bashkuar dhe Afrika e Veriut.

Në të njëjtën periudhë importet e gazit rus nëpërmjet gazsjellësve kanë rënë me 28 miliard metra kub duke qëndruar në nivelin e 45 miliard metër kub.

Rritja e furnizimeve me gaz të lëngshëm është shumë e rëndësishme për importet nga Shtetet e Bashkuara të Amerikës që kanë kaluar nga 22 miliard metër kub për të gjithë vitin 2021 në 30 miliard metër kub që në gjashtë muajt e parë të këtij viti. Thënë ndryshe 46% të totalit të gazit të lëngshëm të importuar në Bashkimin Europian.

Importet e gazit nëpërmjet ‘korridorit jugor’ që sjellin gazin nga Azerbajxhani në Greqi e Shqipëri dhe më pas nëpërmjet TAP në Itali, duhet të rriten nga 8.1 miliard metër kub në 2021-shin deri në 12 miliard metër kub brenda vitit 2022.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.