Zhvillimi i sektorit të shërbimeve – Prezantohet raporti, Mustali: Duhet bashkëpunim mes qeverisë e biznesit për hartimin e politikave

Ngushtimi i hendekut mes politikave të qeverisë dhe nevojave që ka biznesi që operon në sektorin e shërbimeve mund të kryhet përmes bashkëpunimit të dyanshëm”.

Presidentja e organizatës ABSL, Arjodita Mustali thotë për TV SCAN se kjo do të sillte një zhvillim më të shpejtë të këtij sektori, që aktualisht përbën 43% të Prodhimit të Brendshëm Bruto në vendin tonë.

Të premten kjo organizatë prezantoi edhe Raportin Vjetor 2021 për këtë sektor, që o të shërbejë edh si një guidë për bizneset e huaj, që duan të investojnë në Shqipëri.

Sipas Mustalit, raporti i shërben edhe ambasadave shqiptare.

Ky është raporti i parë i këtij lloji, që hartohet në vendin tonë. Ndër të tjera, ai përfshin  gjetjet dhe analizimin e të dhënave të dala nga sondazhi, që përfshiu 62 kompani shqiptare dhe të huaja, që numërojnë 9 568 punonjës.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.