14.2 miliardë lekë buxhet për bujqësinë në 2023 – Deputetët kërkojnë baza të dhënash mbi ecurinë e bujqësisë dhe blegtorisë

14.2 miliardë lekë buxhet janë parashikuar për vitin 2023 në Ministrinë e bujqësisë dhe zhvillimit rural. Në Komisionin e Ekonomisë dhe Financave për shqyrtimin e buxhetit, ministrja Frida Krifca listoi disa prej investimeve që pritet të kryhen.

Më shumë studime dhe publikime të dhënash në lidhje me fermat dhe blegtorinë në vendin tonë ishin disa prej kërkesa të deputetëve të pranishëm në komision, pasi sipas tyre ndihmojnë në drejtimin e duhur të investimeve.

E pyetur nga deputetët për mungesën e fuqisë punëtore në zonat rurale, ministrja Krifca u shpreh se do të ketë një vëmendje të shtuar për këtë sektor duke shtuar se zhvillim do u jepet edhe shkollave të mesme por dhe të larta bujqësore.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.