150 Mln euro nga sigurimi i makinave, pronës e shëndetit – 8-mujori, numri i kontratave të lidhura arriti mbi 971 mijë, me rritje prej 11.97%

Shqiptarët kanë shpenzuar rreth 150 milionë euro këtë vit për të siguruar pronat, jetën e shëndetin e veccanërisht makinat, më një rritje prej mbi 10% krahasuar me një vit më parë. Sipas të dhënave të sapopublikuara nga Autoriteti i Mbikqyrjes Financiare, arkeëtimet e kompanive të sigurimeve për peirudhën janar-gusht  2023 kapën vlerën 15,3 miliardë lekë, afërisht 150 milionë euro, ose 10.44% më shumë se në janar-gusht  2022. Për këtë vit, numri i kontratave të sigurimit të lidhura arriti në 971,059 me një rritje prej 11.97% krahasuar me të njëjtën periudhë të një viti më parë.

Por tregu mbeti përsëri i orientuar tek sigurimet e Jo-Jetës, të cilat sollën 91.98% të vëllimit të përgjithshëm të primeve, sigurimet e Jetës kanë 7.94% dhe risigurimi 0.08 %. Parë nga këndvështrimi i ndarjes së tregut sipas llojit të sigurimit, i detyrueshëm dhe vullnetar, primet e shkruara bruto të sigurimit vullnetar zënë 40.84% dhe primet e shkruara bruto të sigurimit të detyrueshëm zënë 59.16% të totalit të tregut.

Ndërkaq, nuk janë rritur me të njëjtin ritëm volumi i dëmshpëblimeve të paguara nga kompanitë. Deri në gusht të këtij viti, dëmet e paguara bruto në tregun e sigurimeve, arritën në rreth 4,3 miliardë lekë, ose 3.52% më shumë se në muajin janar-gusht  2022. Pjesa më e madhe e këtyre dëmshpërblimeve u përket segentit të sigurimit të automjteve. AMF raporton se dëmet e paguara bruto në sigurimin e motorik për muajin janar-gusht  2023 kapën vlerën 3,150 milionë lekë, duke pësuar një rritje me rreth 10.26% krahasuar me të njëjtën periudhë të një viti më parë.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.