2023, viti më i ngrohtë i regjistruar ndonjëherë – Kjo verë, më e nxehta në historinë e njerëzimit

Vapa e jashtëzakonshme e shtatorit lë të kuptohet se viti 2023 është në rrugën e duhur për të qenë viti më i ngrohtë. Shkencëtarët paralajmërojnë se 2023 – shi do të jetë viti më i nxehtë i regjistruar, pas temperaturave jashtëzakonisht të larta në shtator dhe verës më të nxehtë në historinë njerëzore.

Shërbimi i Ndryshimeve Klimatike të Bashkimit Europian – C3S, tha se temperaturat mesatare globale për periudhën janar – shtator ishin 1.4 gradë Celsius më të larta se periudha paraindustriale e viteve 1850-1900.

Kjo ishte pak më shumë se 0.5 gradë Celsius më e lartë se mesatarja dhe 0.05 gradë Celsius më e lartë se periudha ekuivalente në 2016 – viti aktual më i nxehtë i regjistruar.

Shkencëtarët në C3S thanë se shtatori regjistroi anomalitë më të mëdha të temperaturës të çdo viti që shtrihej në vitin 1940, me muajin në tërësi që ishte 1.75 gradë Celsius më i ngrohtë në krahasim me periudhën e referencës paraindustriale.

Nxehtësia ekstreme shkaktohet nga kriza klimatike, nxitësi kryesor i së cilës është djegia e lëndëve djegëse fosile.

Samantha Burgess, zv/drejtoreshë e Shërbimit të Ndryshimeve Klimatike Copernicus u shpreh se temperaturat e paprecedenta për kohën e vitit të vërejtura në shtator – pas një vere rekord – kanë thyer rekorde me një sasi të jashtëzakonshme. Sipas saj ky muaj ekstrem e ka shtyrë vitin 2023 në vendin e parë – në rrugën e duhur për të qenë viti më i ngrohtë dhe rreth 1.4°C mbi temperaturat mesatare paraindustriale.

Burgess tha se dy muaj pas konferencës së klimës COP28, ndjesia e urgjencës për veprime ambicioze klimatike nuk ka qenë kurrë më kritike. Udhëheqësit botërorë do të mblidhen në Dubai në Emiratet e Bashkuara Arabe nga 30 nëntori deri më 12 dhjetor për bisedime se si të trajtohet kriza e përkeqësuar e klimës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.