3 korriku shënohet dita më e nxehtë në botë – Temperatura mesatare globale arriti në 17°C

Edhe Antarktida, aktualisht në dimër, regjistroi temperatura anormalisht të larta. Bota regjistroi ditën më të nxehtë ndonjëherë këtë javë.

E hëna e 3 korrikut ishte dita më e ngrohtë e regjistruar në botë, sipas të dhënave nga Qendrat Kombëtare të SHBA për Parashikimin e Mjedisit.

Temperatura mesatare globale arriti në 17,01°C, duke tejkaluar rekordin e gushtit 2016 prej 16,92°C, ndërsa valët e të nxehtit vërshuan në të gjithë botën.

Vendet në të gjithë Evropën janë përballur me nxehtësi intensive në javët e fundit, me qytetin spanjoll të Seviljes që emëroi një ngjarje ekstreme të nxehtësisë për herë të dytë ndonjëherë. Pas një qershori jashtëzakonisht të nxehtë, Britania e Madhe po përgatitet për një korrik përvëlues.

Fenomeni i motit El Niño është rikthyer, me Organizatën Botërore Meteorologjike të OKB-së (WMO) duke paralajmëruar se mund të kërcënojë jetët me nxehtësi ekstreme. Franca dhe Gjermania kanë nisur fushata për të parandaluar vdekjet nga valët e të nxehtit.

Ku tjetër po vuan nga nxehtësia ekstreme?

Në mbarë botën, vendet po përballen me ekstreme edhe më të mëdha. Kina po mbytet nën një valë të qëndrueshme të të nxehtit me temperatura mbi 35°C. Afrika e Veriut ka parë temperatura afër 50°C.

Muajin e kaluar, temperaturat në Indi arritën në 43.5°C, duke shtruar qindra në spital dhe duke vrarë afro 170 njerëz.

SHBA-ja jugore gjithashtu ka vuajtur nën kube të nxehtësisë intensive javët e fundit.

Edhe Antarktida, aktualisht në dimër, regjistroi temperatura anormalisht të larta. Baza Kërkimore Vernadsky e Ukrainës në ishujt argjentinas të kontinentit të bardhë theu kohët e fundit rekordin e saj të temperaturës në korrik me 8.7°C.

“Një dënim me vdekje për njerëzit dhe ekosistemet”

“Ky nuk është një moment historik që duhet të festojmë,” tha shkencëtarja klimatike Friederike Otto e Institutit Grantham për Ndryshimet Klimatike dhe Mjedisin në Kolegjin Imperial të Britanisë në Londër.

“Është një dënim me vdekje për njerëzit dhe ekosistemet.”

Shkencëtarët thanë se ndryshimet klimatike, të kombinuara me një model El Niño në zhvillim, ishin fajtorë.

“Fatkeqësisht, ai premton të jetë vetëm i pari në një seri rekordesh të reja të vendosura këtë vit pasi emetimet në rritje të [dioksidit të karbonit] dhe gazeve serrë të shoqëruara me një ngjarje në rritje El Nino i shtyjnë temperaturat në nivele të larta”, tha Zeke Hausfather, një shkencëtar në Berkeley Earth, në një deklaratë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.