55% më shumë automjete elektrike të shitura në 2022 – Kina përbën pjesën më të madhe të tregut me 60% të tij

Shitjet e automjeteve elektrike u rritën në më shumë se 10 milionë vitin e kaluar, me Kinën që përbën afërsisht 60% të tregut, sipas një raporti nga Agjencia Ndërkombëtare e Energjisë. Shifrat rekord të shitjeve, të përfshira në Parashikimin Global të Automjeteve elektrike të IEA-s për vitin 2023, vazhdojnë një trend të rritjes së qëndrueshme për industrinë. Më tej në raport thuhet se shitjet e automjeteve elektrike me bateri  dhe automjetet elektrike hibride – tejkaluan 10 milionë vitin e kaluar, 55% më shumë në krahasim me vitin 2021. Kjo shifër – 10 milionë shitje në mbarë botën – tejkalon numrin total të automjetev të shitura në të gjithë Bashkimin Europian – rreth 9.5 milionë automjete – dhe është gati gjysma e numrit total të makinave të shitura në Kinë në vitin 2022.

IEA përcaktoi “shitjet” në raportin e saj si “një vlerësim i numrit të automjeteve të reja që dalin në rrugë”. Në total, më shumë se 26 milionë automjete elektrike ishin në rrugët e botës në vitin 2022, që përfaqëson një rritje prej 60% në krahasim me vitin 2021. Automjetet elektrike hibride plug-in kanë një motor me djegie të brendshme, si dhe një motor elektrik me bateri. Disa i konsiderojnë ato si një mjet të rëndësishëm në tranzicionin drejt formave të transportit me emetim të ulët dhe zero. Të tjerët, duke përfshirë organizata të tilla si Greenpeace UK, kanë një qasje më pesimiste ndaj tyre.

IEA me bazë në Paris – e parë nga shumë njerëz si një zë autoritar në tranzicionin e energjisë – tha se po vlerësonte se shitjet në mbarë botën do të arrinin pothuajse 14 milionë në 2023. Kjo rritje shpërthyese nënkupton se pjesa e automjeteve elektrike në tregun e përgjithshëm të automjeteve është rritur nga rreth 4% në 2020 në 14% në 2022 dhe është vendosur të rritet më tej në 18% këtë vit, bazuar në parashikimet më të fundit të IEA.

Mbi 50% e makinave elektrike në rrugë tani mund të gjenden në ekonominë e dytë më të madhe në botë. Në Europë, tregu i dytë më i madh, shitjet e automjeteve elektrike u rritën me mbi 15% në 2022, që do të thotë se më shumë se një në çdo pesë automjete të shitura ishte elektrike. Ndërkohë shitjet e automjeteve elektrike në SHBA ishin rritur me 55% në 2022 – shin.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.