82% e bizneseve “shkelin” Kodin e Punës! – Inspektohen rreth 10 mijë subjekte dhe 216 mijë vende pune

Bizneset shqiptare çedojnë në zbatimin e Kodit të Punës, duke rënë pre e gjobave, por nga ana tjetër duke u treguar të padrejtë me punonjësit e tyre.

Gjatë vitit 2023 Inspektorati Shtetëror i Punës ka inspektuar  9,938 subjekte ekonomike private e shtetërore,  ku rezulton se  në të 82% e inspektimeve të kryera, kanë shkelje të dispozitave ligjore, me një mesatare prej 2.5 shkeljesh për subjekt të inspektuar.

Të dhënat zyrtare nga Inspektorati Shtetëror i Punës, tregojnë se  të punësuar në këto subjekte janë 216,594 të cilët janë vende pune të kontrolluara, me një mesatare 21.7 punëmarrës/subjekt .

Nga inspektimet rezulton se  dispozitat e legjislacionit të punës, zbatohen në masën 18% të inspektimeve të kryera me një rritje rreth 3% krahasimisht me vitet më parë.

Pavarësisht nxitjes së qeverisë kundrejt bizneseve private për rritjen e pagave apo deklarimin real të tyte, punësimi me pagë minimale ende rezulton të jetë prezent në një masë të konsiderueshme, në rreth  20 % të punëmarrësve të evidentuar në punë në aktivitetet private të inspektuara gjatë vitit 2023

Gjatë vitit 2023, janë vlerësuar të jenë pjesë e planeve inspektuese edhe subjektet shtetërore, nisur nga historiku i ankesave që vijnë nga të punësuar në këtë sektor. Krahasimisht nga një vit më parë ku 27.4% e inspektimeve në subjektet shtetërore të inspektuara iniciuar si planifikim inspektimi, këtë vit janë 47.4% inspektimeve në subjektet shtetërore të planifikuara.

Procedura e inspektimit të punës kryhet sipas rregullave dhe standardeve të përcaktuara nga ligji i inspektimit, si dhe aktet nënligjore në zbatim të tij, ku një rol shumë të rëndësishëm zë procesi i planifikimi të inspektimeve. Inspektoriati Shtetëror i Punës harton plan mujor inspektimi, bazuar në metodologjitë e vlerësimit të riskut, mbi bazë të prioriteteve dhe tematikave kryesore përkatëse të inspektimit.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.