“Tenderët, prokurohet me ligje speciale!” – Brahaj: Risk i lartë, pasi shumë kompanive nuk iu njihet pronari

Gati 2 vjet nga hyrja në fuqi e ligjit të ri “Për prokurimin publik” vihen re një sërë problemesh, që lidhen me procedurat tenderuese dhe përdorimin e parave publike. Aranita Brahaj, nga Open Data Albania thotë për TV SCAN se qeveria po përdor ligje speciale, apo tërmetin e vitit 2019 për t’iu shmangur prokurimeve sipas ligjit.

Paralelisht Shqipëria rezulon një vend me risk të lartë, pasi shumë kompani që fitojnë kontrata publike janë të regjistruara në vende offshore.

Sipas Brahajt, kjo do të thotë se për këto procedura nuk mund të kontrollohet integriteti i personit që fshihet pas kompanisë fituese, teksa ligji “Për pronarin përfitues” nuk po zbardh pronarët realë.

Brahaj kërkon ndërmarrjen e një sërë hapash për të ndryshuar situatën, edhe si një parakusht për integrimin e vendit në Bashkimit Evropian.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.