Vendet e BE-së bien dakord për uljen e emetimeve të makinave
Rregullorja Euro7, siç dihet, synon të kufizojë emetimet nga automjetet, në vijim të Euro6 aktuale. Shtetet anëtare të Bashkimit Europian kanë rënë dakord për një version të zbutur të standardeve të ardhshme të bllokut të emetimit të makinave.
Të njohura si Euro7, standardet detyrojnë prodhuesit e makinave të reduktojnë emetimet e CO2 hap pas hapi në mënyrë që të luftojnë ndryshimet klimatike dhe të përmirësojnë cilësinë e ajrit. Ministrat e konkurrencës ranë dakord në Bruksel të hënën për një propozim të paraqitur nga presidenca spanjolle e BE-së, që në thelb i sheh ata të përkulen ndaj lobimit nga industria e makinave.
Në vendimin e tyre ata lanë të pandryshuara standardet ekzistuese të emetimit Euro6 për makinat e pasagjerëve. Vendet me industri të mëdha makinash, si Republika Çeke, Franca dhe Italia e shtynë këtë, duke argumentuar se sektori tashmë kishte shumë në pjatë duke pasur parasysh kalimin në makina elektrike. Jozef Síkela, Ministri i Industrisë dhe Tregtisë për Republikën Çeke tha se ishte i kënaqur me marrëveshjen.
Vendimi i Këshillit ndryshon ndjeshëm nga propozimi i paraqitur nga Komisioni Evropian nëntorin e kaluar, i cili synonte të ulë ndjeshëm emetimet e gazit për të arritur disa nga standardet më të rrepta ndonjëherë.
Prodhuesit europianë të makinave kishin bërë fushatë kundër masës duke thënë se do të rezultonte në kosto shtesë për ta dhe për konsumatorët gjithashtu. Grupet mjedisore kanë hedhur poshtë vendimin e Këshillit, duke përfshirë Anna Krajinska nga Federata Evropiane për Transportin dhe Mjedisin.
Standardet mund të ndryshohen ende pasi shtetet anëtare tani duhet të negociojnë me Parlamentin Europian përpara se rregullorja të hyjë në fuqi. Kjo është parashikuar për vitin 2025.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.