Marrëveshje për makinat elektrike? – Tarifat e përkohshme BE-Kinë do të jenë një “goditje” e miliarda dollarëve  

Komisioni Evropian ka nisur një lëvizje për rritjen e tarifave për automjeteve elektrike, diçka e pritshme që do të sjellë një raund bisedimesh, ku drejtuesit kinezë shpresojnë zbutjen e goditjes për industrinë më të madhe në botë të EV (automjeteve elektrike)

Tarifat e përkohshme, që priten të publikohen deri më 5 qershor, do të jenë një goditje që përfaqësojnë miliarda dollarë në kosto të reja për prodhuesit kinezë të makinave elektrike. Megjithatë, si Evropa ashtu edhe Kina kanë arsye për të arritur një marrëveshje.

Industria kineze e automjeteve elektrike ka nevojë për eksporte fitimprurëse në ekonominë e tretë më të madhe në botë për të kundërshtuar rënien e marzheve në vend, ndërsa prodhuesit gjermanë të automobilave duan akses në tregun e automjeteve të Kinës dhe partneritet për të ulur kostot.

Çdo 10% shtesë në tarifat e Bashkimit Evropian mbi taksën ekzistuese prej 10% do t’u kushtonte eksportuesve kinezë të automjeteve elektrike rreth 1 miliard dollarë bazuar në të dhënat tregtare të vitit 2023. Kjo kosto do të rritet këtë vit pasi prodhuesit kinezë të automjeteve elektrike zgjerojnë eksportet në Evropë.

Hetimet e mëparshme të subvencioneve të BE-së për importet nga Kina të produkteve të tjera kanë rezultuar në tarifa shtesë që variojnë nga rreth 9% në 26% për kompanitë. Kina ka sinjalizuar se po përgatit alternativa në vazhdim. Detyrimet e përkohshme të BE-së mund të sfidohen, apo edhe të hiqen nëse një pjesë mjaft e madhe e qeverive të BE-së i kundërshtojnë ato pas katër muajsh.

Dhoma e Tregtisë e Kinës në BE, tha javën e kaluar se Pekini po konsideronte rritjen e tarifave për importet e makinave me motor të madh në 25%. Kina ka hedhur gjithashtu idenë e uljes së tarifave për importet e automjeteve të BE-së në 10% nga 15%.

Grupi tregtar tha se hetimi ishte me të meta që në fillim dhe kishte kërkuar informacion që prodhuesit kinezë të automjeteve nuk mund të jepnin. Kjo përfshinte detaje mbi furnitorët. Analistët presin që të dyja palët të arrijnë një marrëveshje. Vendimi evropian do të vinte pasi Shtetet e Bashkuara katërfishuan tarifat për automjetet elektrike kineze në 100%.

Adelina Onuzi/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.