OpenAI, mbi 1 mln përdorues biznesi me pagesë – Drejtuesit po disktojnë rritjen e çmimeve për modelet e ardhshme

Kristi Ceta/SCAN

 

OpenAI njoftoi se ka më shumë se 1 milion përdorues që paguajnë produktet e biznesit, ChatGPT Enterprise, Team dhe Edu. Shifra është një rritje nga 600,000 përdorues që kishte në prill, duke treguar se shtytja e CEO Sam Altman për t’i bërë ndërmarrjet të miratojnë ChatGPT për përdorim korporativ po jep rezultat.

Drejtuesit e OpenAI kanë diskutuar për abonime me çmime më të larta për modelet e ardhshme, si Strawberry e fokusuar në arsyetim dhe një projekt i ri i quajtur Orion. Në bisedimet e hershme të brendshme në OpenAI, u diskutuan çmimet e abonimit që variojnë deri në 2,000 dollarë në muaj, thuhet në raport.

ChatGPT Plus aktualisht kushton 20 dollarë në muaj. Niveli i lirë i modelit përdoret nga qindra miliona përdorues çdo muaj. OpenAI, i mbështetur nga Microsoft, po punon me “Strawberry” me qëllim që t’u mundësojë modeleve të IA të kryejnë kërkime të thella.

Strawberry përfshin një mënyrë të specializuar të asaj që njihet si model gjenerues i inteligjencës artificiale “pas trajnimit”, ose përshtatjen e modeleve bazë për të përmirësuar performancën e tyre në mënyra specifike pasi ato tashmë janë “trajnuar” në grupe të dhënash të përgjithësuara.

Diskutimet e raportuara për çmimet vijnë pasi raportet e mediave thanë se Apple dhe gjigandi i çipeve Nvidia ishin në bisedime për të investuar në OpenAI si pjesë e një raundi të ri për mbledhjen e fondeve që mund ta vlerësojë prodhuesin ChatGPT mbi 100 miliardë dollarë. ChatGPT javën e kaluar njoftoi se chatbot-i kishte grumbulluar më shumë se 200 milionë përdorues aktivë javorë, duke u dyfishuar në krahasim me sezonin e kaluar të vjeshtës.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.