Shqipëria dhe Kosova, të gatshme për të investuar në inovacion – 40% e bizneseve në rajon e kanë të pamundur alokimin e fondeve në kërkim &  zhvillim

Armela Duka/SCAN

 

Në një botë ku inovacioni është motori kryesor për zhvillimin ekonomik dhe konkurrencën globale, investimet në kërkim dhe zhvillim janë thelbësore për rritjen afatgjatë të bizneseve. “Barometri i Ballkanit 2024” ofron një pasqyrë të  qartë  mbi qasjen e bizneseve në Ballkanin Perëndimor për sa i përket gatishmërisë së tyre për të investuar në këtë fushë në tre vitet e ardhshme.

Të dhënat tregojnë se Shqipëria është një nga vendet më optimiste në lidhje me investimet në kërkim-zhvillim. Rreth 32% e bizneseve të anketuara shprehen se është e “mundshme” që ato të investojnë fondet e tyre për të zhvilluar produkte apo shërbime të reja apo të përmirësuara në tre vitet e ardhshme. Kjo përqindje është më e larta në rajon.

Gjithashtu, 31% e bizneseve në Shqipëri mendojnë se është “disi e mundshme” që të kryejnë investime në këtë fushë. Megjithatë, nuk mund të injorojmë faktin që 31% e ndërmarrjeve shqiptare e shohin si “të pamundur” që të investojnë fondet e tyre në kërkim-zhvillim.

“Scan Intel” ka analizuar shifrat për të kuptuar sesi ë shtë qasja e vendeve të tjera të  rajonit pë r të  investuar në  kërkim zhvillim. Në rajon, Kosova paraqitet si një lider në qasjen pozitive ndaj investimeve në kërkim dhe zhvillim. Rreth 24% e bizneseve kosovare e shohin të mundur këtë lloj investimi, ndërkohë që një përqindje e lartë prej 59% mendojnë se është disi e mundur.  Në Bosnjë-Hercegovinë, ndërmarrjet janë më të kujdesshme në lidhje me investimet në kë të drejtim. Vetëm 23% e tyre e konsiderojnë të mundur këtë investim,dhe 31% e bizneseve mbeten skeptike, duke treguar një nivel të lartë pasigurie pë r investimin e fondeve të  tyre në  kë rkim-zhvillim

Nga ana tjetër, Serbia dhe Maqedonia e Veriut janë ndër vendet më skeptike në lidhje me investimet në kërkim dhe zhvillim. Vetëm 7% e bizneseve serbe e shohin të mundur një investim të tillë, ndërsa 68% e tyre e konsiderojnë të pamundur. Në mënyrë të ngjashme, Maqedonia e Veriut tregon një pasiguri të madhe, ku vetëm 10% e bizneseve e konsiderojnë investimin në kë të fushë   si të mundur, ndërsa 61% e shohin të pamundur. Kjo nënkupton një mungesë burimesh ose mundësish për t’u përfshirë në inovacion, duke e lënë vendin në një pozitë të vështirë për të konkurruar në tregjet globale.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.