A po rrezikojnë PPP ekonominë e vendit? – Preçi: Mbetet një fenomen shqetësues, meriton vëmendje!

Në projeksionin e Bankës Botërore, kontratat koncensionare me Partneritet Publik Privat po ndikojnë negativisht duke rrezikuar ekonominë Shqiptare. Sipas ekspertit të ekonomisë Zef Preçi ky fenomen po bëhet edhe më kërcënues për ekonominë.

“Duhet të kuptojmë faktin se situata ku një pjesë e konsiderueshme e të ardhurave buxhetore në mënyrë të garantuar transferohen nëpërmjet operatorëve ekonomik privat të përzgjedhur si partner është një fenomen që ka ardhur duke u bërë më kërcënues gjatë gjithë dekadës së fundit…..”

Por si mund të përmirësohet situata pas projeksionit të Bankës Botërore?

“Ky është një shqetësim që meriton vëmendje. Duhet rregulluar raportimi në radhë të parë. Situata është më shqetësuese nga sa parashikohet në projeksionet e Bankës Botërore……”

Në projeksionin e Bankës Botërore analizohet se rritja ekonomike e vendit tonë pritet të jetë më e kufizuar gjatë këtij viti karshi zhvillimeve globale.

Diamila Leka/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.