AKBN, në “sitë” përpunuesit e mineraleve – Urdhri i MIE: Kontrolle për sasitë e përpunuara dhe përputhjen me faturat tatimore
Të gjitha fabrikat e pasurimit, metalurgjitë, impiantet e thyerjes, fraksionimit dhe seleksionimit duhet të mbajnë dokumentacion të rregullt për të gjtha proceset e përpunimit si dhe treguesit sasiorë dhe cilësorë të mineralit të papërpunuar dhe të përpunuar”.
Gjithçka përcaktohet në një urdhër të ministers së Infrastrukturës dhe Energjisë, Belinda Balluku me datë 11 nëntor të këtij viti, teksa Agjencia Kombëtare e Burimeve Natyrore do të duhet të “zbresë” në terren për kryerjen e kontrolleve.
Në fokus të tyre do të jenë realizimi i këtyre treguesve të rikuperimit të koncentratit për fabrikat e përpunimit të mineraleve metalorë, rikuperimin dhe tregusit sasiorë e cilësore të ferro-kromit për uzinat e shkrirjes së mineralit, si dhe sasia e produkteve të prodhuraua për grupin e mineraleve ndërtimorë.
Ndërkaq, të gjithë subjektet që ushtrojnë veprimatrinë minerare të përpunimit, brenda 30 ditëve të vitit pasardhës duhet të dërgojnë online pranë AKBN-së, informacionin vjetor të veprimatirsë minerare të përpunimit, sipas formatit të miratuar ku përfshihen të dhëna mbi sasinë e mineralit që përpunohet, përmbajtjen e metalit në mineral, përmbjatjen e H2O-së, etj.
Këto deklarime do të jenë objekt i kontrolleve që do të kryejë AKBN duke mbajtur në konsideratë përputhshmërinë me faturat tatimore. Në fokus të kontrolleve do të jetë edhe mënyra e depozitimit të mbetjeve, ruajtja e shëndetit dhe jetës së njerëzve dhe skema e trajtimit të ujrave dhe pluhurit, me qëllim plotësimin e standardeve ligjore të mbrojtjes së mjedisit.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.