Amerikanët blejnë më shumë marijuanë se çokollatë! – 90 miliardë dollarë kontribut në ekonominë e SHBA për 2022

Ndërsa gjithnjë e më shumë shtete amerikane legalizojnë përdorimin e kanabisit, amerikanët shpenzuan më shumë para vitin e kaluar për marihuanë sesa për çokollata. Sipas një raporti të ri, në vitin 2022, shitjet e drogës psikoaktive tejkaluan shitjet e çokollatës. Deri në vitin 2023, parashikohet që shitjet e kanabisit do të tejkalojnë shumën e parave të shpenzuara në SHBA për birrë artizanale, çokollata, vezë pule, në total.

I njëjti raport parashikon se shitjet e marijuanës do të kalojnë 33.5 miliardë dollarë këtë vit, një rritje prej 4 miliardë dollarësh nga viti 2022. Dhe deri në vitin 2028, industria do të shohë shitjet të arrijnë në 57 miliardë dollarë. Numri i bizneseve të licencuara të marijuanës në SHBA do të kalojë 165 mijë këtë vit.

Për sa i përket ndikimit të përgjithshëm ekonomik, industria e marijuanës kontribuoi me 90 miliardë dollarë në ekonominë amerikane vitin e kaluar. Këtë vit, tregu do të arrijë në 100.8 miliardë dollarë. Dhe deri në vitin 2028, do të ketë kaluar 170 miliardë dollarë. Shitja e marijuanës së licencuar në pikat e karburantit në Florida konsiderohet gjithashtu çështje kohe.

Përdorimi rekreativ i kanabisit në katër shtete të SHBA rriti vdekjet në trafik me 10%, sipas një studimi nga Universiteti i Illinois në Çikago . Studimi shqyrtoi të dhënat nga certifikatat e vdekjes dhe krahasoi shkallën e vdekjeve në shtetet që legalizuan përdorimin e kanabisit rekreativ kundrejt shteteve që ofronin akses vetëm në përdorimin e kanabisit mjekësor. Studiuesit gjetën një rritje të konsiderueshme të vdekjeve nga trafiku në katër nga shtatë shtetet në studim që kanë legalizuar përdorimin e kanabisit rekreativ.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.