Anketim për kultivimin e kërpit industrial – Shoqata Kombëtare: Alternativë e qendrueshme për degë të industrive të ndryshme
Fermerët, të cilët janë të interesuar për kultivimin e kërpit industrial, pritet të marrin pjesë në një anketë gjithëpërfshirëse, e cila synon vlerësimin e potencialit të këtij sektori në Shqipëri. Anketimi do të shërbejë si një mjet jetik në matjen e shkallës së interesit dhe identifikimin e fushave ku kërkohet mbështetje dhe udhëzime.
Shoqata Kombëtare Shqiptare e Industrisë së Kërpit, pasi vlerëson reformën e fundit të qeverisë në këtë drejtim, thekson se ajo do t’i hapë rrugë rritjes së qendrueshme ekonomike, rritjes së punësimeve dhe administrimit mjedisor më efikas.
Sipas shoqatës, kërpi industrial ka vlerë të jashtëzakonshme jo vetëm si një kulturë e gjithanshme, por edhe si një alternativë e qendrueshme për degë të industrive të ndryshme.
Nga tekstilet te materialet e ndërtimit dhe biokarburantet, te produktet e shëndetit dhe mirëqenies. Pritet që kjo reformë ta pozicionojë Shqipërinë lider në industrinë ndërkombëtare të kërpit industrial.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.