Aplikacionet tkurrin ndjeshëm telefonatat – Numri i thirjeve dalëse ra me 15% dhe SMS-të me 23.5% në tremujorin e parë

Përdorimi gjithnjë e më i gjerë i aplikacioneve të komunimit që ofron interneti po bën që shqiptarët të pakësojnë telefoonatat e mesazhët përmes smartphone-eve.

AKEP raporton se Totali thirrjeve dalëse të gjeneruara nga pajtimtarët celularë në Shqipëri gjatë tre muajve të parë të këtij viti ishte rreth 1 miliardë minuta, me një rënie prej 13.7% në krahasim me tremujorin paraardhës, ndërkohë që shumë më e fortë është rënia me të njëtën periudhë të një viti më parë. Rezulton se thirjet dalëse janë pakësuar me 15% krahasuar me T1 2022.

Ndërkaq, sasia e thirrjeve drejt rrjeteve të tjera celulare kombëtare (off-net) pësoi rënie me 24.1% në krahasim me T4 2022 dhe rënie me 28.1% në krahasim me një vit më parë në T1 2022.

Rënie më të lehtë kanë shënuar thirrjet on-net, në nivelin 6.5% më pak krahasuar me T4 2022 dhe pësoi një rënie me 5.3% në krahasim me T1 2022. Proporcioni i thirrjeve on-net/off-net në T1 2023 ishte 63%/36%, kundrejt 56%/42% në T1 2022.

Ndërkaq edhe më e fortë është tendenca rënëse e sms-vë. Numri i mesazheve SMS të dërguara nga pajtimtarët e rrjeteve celulare në T1 2023 ishte rreth 98 milion që përbën një rënie me 19.3% krahasuar me T4 2022 dhe një rënie me 23.5% me T1 2022.

Sasia e trafikut data (Internet) në rrjetet celuare gjatë T1 2023 ishte rreth 45 Milion GByte. Një përdorues aktiv i aksesit broadband celular ka përdorur mesatarisht rreth 7.47 GB Internet në muaj në T1 2023, që përbën një rritje me 18.2% në krahasim me T4 2022 dhe një rritje me 3.5% krahasuar me T1 2022.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.