Ari rritet me 60 dollarë, gjatë nëntorit – Mbështetet nga mundësitë që FED të ulë normat e interesit
Ari po qëndron në rritje edhe në sesionin e sotëm dhe pritet të publikojë fitime për të tretën javë me radhë, pasi ftohja e inflacionit në SHBA ka shtuar bastet për uljen e normave të interesit në SHBA. Gjithashtu, tregtarët po presin me padurim komentet që do të bërë kryetari i Rezervës Federale, Jerome Powell, më vonë gjatë ditës së sotme. Ari po tregtohet në rreth 2,045 dollarë për onz, ndërsa gjatë nëntori fitoi rreth 60 dollarë.
Të dhënat e publikuara të enjten treguan se shpenzimet konsumatorë të SHBA u rritën lehtë gjatë tetorit, ndërsa rritja vjetore e inflacionit ishte me 3.5%, hapi më i ngadaltë në thuajse 2 vite e gjysmë.
Ftohja e presioneve inflacioniste dhe lehtësimi i tregut të punës kanë rritur pritshmëritë se Rezerva Federale do fillojë uljen e interesave në mars të vitit të ardhshëm, diçka që e sinjalizuan edhe zyrtarët e Rezervës Federale më herët gjatë javës.
Tashmë, investitorët vlerësojnë rreth 50% shanse për uljen e interesave në mars dhe mbi 80% për uljen e tyre në maj. Normat më të ulëta të interesit reduktojnë koston oportune të mbajtjes së ari, i cili nuk mbar interes. Edhe dobësimi i dollarit ka ndikuar në rritjen e çmimeve të metaleve të çmuara.
Indeksi që mat ecurinë e monedhës së gjelbër përballë shportës me 6 monedhat kryesore ndërkombëtare, realizoi humbjet më të mëdha mujore në 1 vit, gjatë nëntorit. Ndër metale te tjera, argjendi po tregtohet në rreth 25.3 dollarë për onz, ndërsa platini po tregtohet në rreth 1,015 dollarë për onz.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.