Asetet e korrupsionit, konfiskimet edhe pa dënime – Ndiq paranë, Strategji e re në 2024. Shtohen afatet e ngrirjes së pasurive, marrëveshje e re me CEPOL
Përqasja e organeve ligjzbatuese me pasuritë e krimit e veccanërisht korrupsionit do shënojë ndryshime thelbësore nga viti 2024. Një seri ndryshimesh në legjislacionin përkatës dhe mënyrës së bashkëpunese të agjencive ligjzbatuese shqiptare me ato partnere, do rrisin feleksibilitetin e veprimeve për ndjekjen e parave, por vecanërisht të proceseve të sekuestrimit e konfiskimit të aseteve.
Këshilli i Ministrave ka miratuar në dhjetor Udhërrëfyesin për Shtetin e së Drejtës, në kuadër të Procesit të Anëtarësimit, ku synohet ngritja e një sistemi të fuqishëm të ngrirjes, sekuestrimit dhe konfiskimit të pronës dhe gjobave financiare.
Dokumenti parashikon kryerjen e një vlerësimi gjithëpërfshirës për të kuptuar nëse afatet kohore të ngrirjes së aseteve kërkojnë më shumë shtrirje nga afatet që aplikohen aktualisht.
Po ashtu, synohet shënjestrimi i flukseve të parave që mbështesin organizatat kriminale më shumë sesa shënjestrimi i individëve të vetëm, dhe veccanërisht, përmirësimi progresiv i historikut të sekuestrimeve dhe konfiskimeve parandaluese të aseteve. Kjo “duke përfshirë konfiskimin, jo të bazuar në dënim dhe konfiskimin nga palët e treta”, përcakton dokumenti Qeveritar. Ndërkaq, parashikohet edhe promovimi dhe aplikimi gjithnjë e më shumë i ripërdorimit social të pasurive të konfiskuara.
Një zhvillim i rëndësishëm pritet të vijë edhe nga rishikimi i marrëveshjes së bashkëpunimit ndërmjet Policisë së Shtetit Shqiptar dhe Kolegjit Evropian të Policisë (CEPOL) për të rritur bashkëpunimin brenda vitit 2024.
Lorenc Rabeta/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.