Bashkitë, pa Plane të Menaxhimit të Cilësisë së Ajrit – Ndotje e lartë, Gjoka: Është detyrim ligjor, institucionet përgjegjëse nuk kryejnë monitorime

Asnjë bashki nuk ka hartuar Planin e Menaxhimit të Cilësisë së Ajrit, ndonëse është detyrim ligjor”. Deklarata vjen nga Rodion Gjoka nga Instituti për Zhvillimin e Habitatit, CoPlan që prej disa vitesh ofron të dhëna alternative, mbi ndotjen e ajrit në shumë qytete.Kjo, në kushtet kur institucionet shtetërore shkelin detyrimet që I ngarkon legjislacioni në fuqi për monitorimin e cilësisë së ajrit.

Gjoka bën me dije edhe situatën me ndotjen e ajrit në kryeqytet, që ka si burim kryesor ndërtimin dhe djegien e karburantit.

Prej pesë vitesh, të dhënat alternative që vijnë nga organizatat e shoqërisë civile janë të vetmet, që ofrojnë informacion për qytetarët, por edhe për vendimmarrësit, që duhet të marrin masa për përmirësimin e cilësisë së ajrit. Këto problematika u trajtuan gjerësisht edhe në Forumin Kombëtar të Ndotjes, ku morën pjesë organizata të shoqërisë civile, ekspertë të mjedisit dhe përfaqësues të institucioneve shtetërore.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.