BE hedh 37 milionë mbetje plastike në vit në këtë shtet! – Cili vend është shkelësi më i keq?

Vendet e BE-së po hedhin 37 milionë artikuj “mbetje veshje plastike” në Kenia çdo vit, ka zbuluar një hetim i ri. Këto mbetje të modës janë shumë të ndotura ose të dëmtuara për t’u ripërdorur dhe po krijojnë probleme serioze shëndetësore dhe mjedisore për komunitetet vulnerabël në vend.

Cilësia e ulët e veshjeve do të thotë se ajo përfundon menjëherë duke u hedhur, ose djegur për të ngrohur ujin, për të gatuar dhe për të furnizuar një stacion karburanti. Hetimi nga Clean Up Kenya dhe Wildlight për Fondacionin e Tregjeve në ndryshim (CMF) thekson varësinë e modës së shpejtë nga pëlhurat plastike të lira.

Hetuesit thonë se eksportimi i veshjeve të padëshiruara në vendet më të varfra është kthyer në një “valvul shpëtimi” për “mbiprodhimin sistemik” dhe kjo rrjedhë e fshehur mbetjesh duhet të jetë e paligjshme.

Të dhënat nga Baza e të Dhënave Comtrade të OKB-së tregojnë se midis 2019 dhe 2020, BE dhe MB eksportuan mbi 5 milion ton tekstile të përdorura. Para se të dërgohen jashtë vendit, këto artikuj tregtohen midis vendeve europiane për t’u renditur dhe klasifikuar, sugjeron hetimi.

Gjermania, për shembull, eksportoi 179,000 ton tekstile në Holandë – një vëllim jashtëzakonisht i lartë për një vend me të ardhura të larta. Kjo është e barabartë me 53 % të eksportit total të Holandës të veshjeve të përdorura dhe sugjeron se vendi mund të jetë një pikë ndalese në tregtinë e veshjeve.

Tekstilet u dërguan nga BE-ja në destinacione si Gana, India, Nigeria, Pakistani dhe Kenia – ku hetuesit përqendruan vëmendjen e tyre.

CMF zbuloi se në vitin 2021, Gjermania, Polonia, Britania e Madhe, Hungaria, Italia, Belgjika, Lituania, Estonia, Franca dhe Irlanda përbënin 95 % të të gjitha eksporteve të veshjeve të përdorura nga BE-ja në Kenia me një vlerë totale prej pothuajse 25 milionë euro.

Gjermania kryesoi listën e vendeve europiane, duke eksportuar më shumë se 50 milionë artikuj veshjesh. Mbi 25 milionë prej tyre ishin mbetje dhe pothuajse 17 milionë ishin me bazë plastike. Ajo u pasua nga Polonia dhe Britania e Madhe të cilat të dyja eksportuan më shumë se 12 milionë artikuj me bazë plastike në vitin 2021.

Këtë verë, BE-ja do të propozojë një sërë masash që mund të kërkojnë që markat të paguajnë për mbetjet e tyre dhe të prodhojnë artikuj nga materiale më të qëndrueshme. Më shumë se dy të tretat e veshjeve tani janë bërë nga plastika si najloni dhe poliesteri, të cilat janë të pamundura për t’u ricikluar. Zgjidhja nuk është mbyllja e tregtisë së veshjeve të përdorura, por reformimi i saj.

Industria ka nevojë për kufij dhe rregulla – si ato të propozuara nga BE. Ai duhet të përfshijë objektiva gjithëpërfshirëse, strikte të riciklimit dhe ripërdorimit, duke e zhvendosur modën drejt pëlhurave më cilësore dhe të qëndrueshme.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.