BE përqendron financimet e reja në mbrojtje – Presidentja e Bankës Europiane të Investimeve: Objektiv, edhe energjia bërthamore

Dega financiare e Bashkimit Europian, Banka Europiane e Investimeve (BEI), mund të jetë e gatshme të vërë bast për investime më pak të sigurta nën udhëheqjen e saj të re. Në një intervistë, presidentja dhe ish-ministrja spanjolle e ekonomisë Nadia Calviño Santamaría sinjalizoi se shpreson të rrisë investimet në projektet e mbrojtjes dhe ato bërthamore.

Ky ndryshim është një largim nga qasja ndaj rrezikut e ndërmarrë nga paraardhësi i saj gjerman Verner Hoyer, të cilin ajo e zëvendësoi muajin e kaluar. Për t’u përshtatur me qëllimet e saj klimatike, BEI nuk po mbështet më projektet tradicionale të karburanteve fosile, por investimi në energjinë bërthamore është një strumbullar jo karakteristik nga qëndrimi i zakonshëm i institucionit.

Ndërsa ekonomia e dytë më e madhe e BE-së, Franca, është një mbështetëse e fortë e energjisë bërthamore, ekonomitë e para dhe të treta të bllokut, Gjermania dhe Italia, i kanë kthyer shpinën energjisë bërthamore që nga katastrofa e Çernobilit të vitit 1986.

Calviño megjithatë ka theksuar se për të qëndruar në krah të teknologjisë bërthamore të përdorur nga vendet e tjera, BEI duhet ‘të jetë aktive’. Qëndrimi i saj pro bërthamor është në kundërshtim me pozicionin e mbajtur nga qeveria spanjolle, ku dikur punonte Calviño.

Në dhjetor, Spanja njoftoi planet për të mbyllur termocentralet bërthamore të vendit deri në vitin 2035. Duke pasur parasysh paqëndrueshmërinë aktuale politike, Calviño ka theksuar gjithashtu se dëshiron të rrisë investimet në siguri dhe mbrojtje.

Vitin e kaluar, para emërimit të saj këtë janar, BEI kishte rënë dakord tashmë të rriste fondet e saj për investimet e mbrojtjes nga 6 miliardë euro në 8 miliardë euro deri në vitin 2027. Politika e BEI e ndalon institucionin të investojë në armë, municione dhe infrastrukturë ushtarake, por banka shpreson të derdhë më shumë para në teknologji të reja si dronët.

Financimi lejohet këtu sepse dronët konsiderohen ‘artikuj me përdorim të dyfishtë’, që do të thotë se mund të përdoren si për qëllime civile ashtu edhe për qëllime ushtarake. Gjithashtu në axhendën e Calviño është investimi më i madh në infrastrukturë për të mbështetur kontrollin kufitar dhe sigurinë kibernetike.

Për të zhbllokuar këto para shtesë, BEI mund të duhet të ndryshojë kufirin e saj prej 250% në huadhënie, megjithëse disa kanë frikë se një lëvizje e tillë mund të dëmtojë vlerësimin e kredisë së bankës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.