BE, rregulla më të ashpra për kapitalin e bankave – Vendimi synon mbrojtjen nga rreziqet e sektorit të kriptomonedhave

Bashkimi Europian arriti një marrëveshje për të zbatuar grupin e fundit të rregullave më të ashpra të kapitalit të bankave të rënë dakord ndërkombëtarisht pas krizës financiare globale mbi një dekadë më parë, me shtesa për të shmangur rreziqet nga sektori i kriptove.

Pjesa e mbetur e marrëveshjes globale ‘Basel III’, e rënë dakord midis G20 dhe vendeve të tjera, përfshin masa mbrojtëse të tilla si kufijtë për bankat e mëdha që përdorin modelet e tyre të brendshme për të llogaritur rezervat e kapitalit.

Falimentimi i Bankës Silicon Valley dhe huadhënësve të tjerë në Shtetet e Bashkuara të Amerikës, pasojat e të cilëve u ndjenë dhe në Eropë, dhe marrja e detyruar nën kontroll e Credit Suisse nga UBS ka vendosur në qendër të vëmendjes kapitalin dhe Sipas ministres së Finanacave të Suedisë, Elisabeth Svantesson, vendi i së cilës mban presidencën e rradhës së BE – së, ky është një hap i madh përpara i cili do të ndihmojë të sigurohet që bankat europiane të mund të vazhdojnë të operojnë edhe në dritën e goditjeve të jashtme, krizave ose fatkeqësive.

Marrëveshja midis shteteve të BE-së dhe Parlamentit Europian ndahet në disa elementë të marrëveshjes së Bazel III nga viti 2025, dy vjet pas afatit të rënë dakord globalisht.

Paketa përfshin elemente të reja për të mbrojtur bankat nga rreziqet e sektorit të kriptove dhe për të siguruar raportim dhe zbulim të përmirësuar nga bankat në lidhje me lëndët djegëse fosile.

Ajo gjithashtu forcon kërkesat për degët e BE-së të bankave të vendeve të treta ose jo të BE-së dhe mbikëqyrjen e aktiviteteve të tyre në bllok, një çështje që ka dalë në pah pas largimit të Britanisë së Madhe nga BE. Ekzistojnë gjithashtu rregulla të reja për të siguruar që drejtuesit e lartë në banka janë “të përshtatshëm ” për punën.

BE-ja është juridiksioni i parë i madh që arrin një marrëveshje për rregullat e mbetura të Basel III, përpara Britanisë dhe Shteteve të Bashkuara të Amerikës.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.