Befason ekonomia zvicerane – Rritja në 3-mujorin e parë regjistroi ritme më të shpejta se parashikimet
Ekonomia zvicerane u rrit me një normë më të shpejtë se sa pritej në fillim të vitit, sipas të dhënave zyrtare të konfirmuara nga qeveria. Kjo e mbështetur nga kërkesa e fuqishme e brendshme dhe rritja e eksporteve.
Prodhimi ekonomik, i rregulluar për ngjarjet sportive, u rrit me 0.5% në tre muajt e parë të 2023 – shit krahasuar me tremujorin e fundit të 2022 – shit, sipas të dhënave nga Sekretariati Shtetëror për Çështjet Ekonomike – SECO, i cili përpiloi shifrat.
Performanca ishte më e mirë se parashikimi i normës së rritjes prej 0.1% në një sondazh të Reuters dhe shënoi një rritje nga zhvillimi i sheshtë në fund të 2022 – shit. Ekonomia zvicerane u rrit me 0.9% krahasuar me të njëjtin tremujor të vitit 2022. Ekonomistët kishin parashikuar rritje 0.6% nga viti në vit. Pas një periudhe të gjatë rënieje, prodhimi tregoi një rritje me 0.3% rritje tremujore në tremujor, megjithëse sektori i financave – i cili është goditur nga turbulencat si pasojë e kolapsit të Credit Suisse – u përball me vështirësi.
Shpenzimet konsumatore u rritën me 0.6% në tremujor, ndërsa eksportet u rritën me 4%. Ndër të tjera SECO sqaron se e nxitur nga rimëkëmbja e vazhdueshme në udhëtime, vlera e shtuar në sektorin e transportit dhe komunikimit me +0.7% dhe në sektorin e akomodimit dhe shërbimeve ushqimore me +1%, u rrit me një normë mbi mesataren.
Edhe pse konsumi i shërbimeve rezultoi mirë, shpenzimet konsumatore për mallra u zhvilluan me një ritëm më të moderuar, me vlerën e shtuar në shitje me pakicë në rënie me 0.4%. Shifrat zvicerane krahasohen në mënyrë të favorshme me Gjermaninë fqinje, e cila javën e kaluar raportoi se kishte hyrë në një recesion në fillim të vitit 2023 pasi PBB-ja e saj ra me 0.3% në tremujorin e parë të vitit. Shpenzimet e familjeve në ekonominë më të madhe të Europës ranë pasi inflacioni më i lartë rëndoi konsumin e familjeve.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.