BERZH, gati për të asistuar Shqipërinë në zhvillimin e tregut të obligacioneve. Ministri Mete takon Drejtorin e Zhvillimit të Tregjeve Kapitale

BERZH ka shprehur gadishmërinë për të asistuar Shqipërinë në zhvillimin e tregut të obligacioneve dhe sa i përket ngritjes së kapaciteteve për emetuesit e mundshëm, si edhe për rregullatorët. Kjo u bë e ditur gjatë takimit që  ministri i Financave dhe Ekonomisë Ervin Mete pati me Drejtorin e Zhvillimit të Tregjeve Kapitale dhe Financiare në Bankën Europiane për Rindërtim dhe Zhvillim, z. Alex Pivovarsky dhe Drejtuesen e BERZH-it në Shqipëri, znj. Ekaterina Solovova.

Asistenca e BERZH, vlerësohet nga ministri i Financave se do të jetë një vlerë e shtuar në zhvillimin e tregjeve të kapitalit në vendin tonë, ku aktualisht është miratuar kuadri ligjor dhe rregullator, si edhe është plotësuar infrastruktura e tregtimit dhe pastregtimit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.