Beteja për mineralet e rralla është e vështirë – Problemet në Australi e SHBA dhe përparësia e Kinës

Një strukturë e re e prodhimit të magneteve të mineraleve të rralla po planifikohet në qytetin estonez Narva në kufi me Rusinë. Prodhimi pritet të nisë në vitin 2025, dhe do të ketë magnetët më të fuqishëm për automjetet elektrike dhe turbinat me erë si dhe do të jetë një nga objektet më të mëdha të këtij lloji jashtë Azisë.

Domosdoshmëria për të shkëputur zinxhirin global të furnizimit dhe bashkë me të edhe ekonominë globale nga monopoli i Kinës mbi mineralet e rralla po rezulton jashtëzakonisht e vështirë, e shtrenjtë, por edhe kërkon kohë. Përpjekjet e kompanive të të gjitha kombësive për të minuar dhe përpunuar minerale të rralla hasin në pengesat më të pamundura.

Ka përpjekje për nxjerrjen e mineraleve të rralla në Vietnam dhe SHBA. Një kompani kanadeze minoi minerale të rralla në Georgia, SHBA, por iu desh ta transportonte mineralin në Utah për ta ndarë atë nga uraniumi radioaktiv.

Siç thekson Wall Street Journal në raportin e saj për këtë temë, krahas të gjitha këtyre pengesave po rezulton të jetë veçanërisht e vështirë të formohet zinxhiri alternativ i furnizimit: në SHBA dhe Australi ka minerale të rralla, por ato nuk mund t’i përpunojnë ato në një sasi të madhe. Ndërkohë, Malajzia përpunon xehe, por nuk prodhon magnete për mineralë të rrallë që bën Japonia, e cila megjithatë nuk ka miniera.

Sipas ekspertëve zgjidhja më e mundshme është ndërtimi i këtij zinxhiri furnizimi, nga vende mike. Por ata shtojnë se për fat të keq ‘kinezët janë shumë përpara’. Kompanitë perëndimore mund të mbështeten në një numër shumë të vogël të industrive të prodhimit të magneteve dhe shpesh kanë vështirësi të bindin financuesit e tyre se ato janë të qëndrueshme.

Sa i përket kompanisë kanadeze që dërgoi mineralin në Utah për të nxjerrë mineralet e rralla nga uraniumi radioaktiv, pas shumë aventurash ajo përfundoi duke blerë një industri të vogël britanike magnetike për mineralë të rrallë që i dha mundësinë për të prodhuar magnet për herë të parë në botën perëndimore.

Në gusht kompania u zgjerua me një fabrikë të re të prodhimit të magneteve në qytetin estonez të Narva, në kufi me Rusinë. Bashkimi Europian ka ofruar rreth 20 milionë euro për njësinë në fjalë dhe Presidentja e Komisionit, Ursula von der Leyen, deklaroi se e ardhmja e BE-së lind në Narva.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.