Bien ankesat për energjinë elektrike – Cilësia e faturimit, OSHEE: Në 6-muaj u depozituan 7% më pak

Ankesat për cilësi faturimi pranë Operatorit të Shpërndarjes së Energjisë Elektrike u ulën me 7%, gjatë 6-mujorit të parë të këtij viti. Sipas të dhënave nga ky dikaster, gjatë periudhës janar – qershor 2023 u depozituan 14 473 ankesa apo 1094 ankesa më pak se e njëjta periudhë e vitit të kaluar, ku pranë OSHEE u ankuan 15 567 abonentë.

Ankesat për cilësi faturimi përfshijnë aplikimin e tarifimit të gabuar apo mbi faturim, tarifimet gjatë kohës së pezullimit të kontratës, etj., ndërkohë që sipas legjislacionit në fuqi çdo abonent mund të paraqesë formularët përkatës pranë qendrave të Kujdesit ndaj Klientit, në mënyrë që të nisin verifikimet nga ana e OSHEE.

Ndërkaq, pak kohë më parë, Enti Rregullator i Energjisë publikoi rezultatet e një monitorimi, ku rezultoi se niveli I zgjidhshmërisë së ankesave ishte 94%.

Ndërkohë që, ndonëse niveli i zgjidhjes së ankesave të paraqitura pranë Furnizuesit të Shërbimit Universal konsiderohej i kënqashëm, Enti kërkoi përmirësimin e treguesit, si dhe zgjidhjen sipas legjislacionit në fuqi.

Sipas, ERE-s Furnizuesi i Shërbimit Universal duhet të vijojë me përmisimin e këtij treguesi për të arritur në nivelet maksimale të zgjidhjes së çdo ankese të konsumatorëve.

ANKESA PËR CILËSI FATURIMI TË ENERGJISË ELEKTRIKE

6 – MUJORI 2022                     15567

6 – MUJORI 2023                     14473

Burimi: OSHEE

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.