Bitcoin gjen stabilitet pranë 34,000 USD – Kriptomonedha më e madhe në botë rritet me 25%, gjatë tetorit

Bitcoin po tregtohet i qëndrueshëm në sesionin e sotëm, pranë 34 mijë dollarëve, dhe sipas analistëve ky mund të jetë një stabiliteti i ri për këtë kriptomonedhë. Bitcoin, që është kriptomonedha më e madhe në botë për nga kapitalizimi në treg, është rritur me rreth 25% gjatë tetorit, me shumicën e këtyre fitimeve që janë akumuluar gjatë sesioneve të tregtimit në SHBA.

“Ky është një zhvillim i rëndësishëm dhe tregon se institucionet amerikane dhe investitorët amerikanë po përqafojnë lajmin se një fond i tregtuar me bitcoin (ETF) i listuar në SHBA duket i pashmangshëm”, shkroi Markus Thielen, kreu i kompanisë kërkimore Matrixport. ETF-të tregtohen në një bursë dhe ndjekin performancën e një aktivi të caktuar, në rastin konkret bitcoin.

Ato janë produkte të njohura investimi pasi janë të lira për t’u tregtuar dhe u lejojnë investitorëve të kenë akses në kriptomonedha pa blerë vetë asetet dixhitale. Ndërkohë, në vende si Turqia dhe Nigeria, çmimi i bitcoin është rritur në nivelet më të larta në histori për shkak të zhvlerësimit të lirës turke dhe nairas nigeriane, pavarësisht se ky aset po tregtohet rreth 50% poshtë nivelin rekord të arritur në shtator të vitit 2021 prej 69 mijë dollarë.

Në mëngjesin e sotëm, bitcoin tregtohej në rreth 960,000 lira turke dhe në rreth 27.4 milionë naira nigeriane, duke rritur fitimet mujore deri në 30% në terma të monedhave të këtyre vendeve. Ndër zhvillimet e tjera, Komisioni Amerikan i Letrave me Vlerë dhe Shkëmbimeve (SEC) ka 8 deri në 10 aplikime të produkteve të tregtuara në shkëmbim për bitcoin, tha kryetari i SEC, Gary Gensler.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.