Bitcoin zbret poshtë 37,000 USD – JPMorgan parashikon një korrektim të madh të tregut

Tregu i kriptomonedhave po qëndron në rënie të lehtë në sesionin e sotëm, pas fitimeve të konsiderueshme në realizuara në dy javët e fundit dhe duket se ka gjetur një stabilitet të ri. Bitcoin po tregtohet në rreth 36,800 dollarë, ndërsa ethereum po tregtohet në rreth 2050 dollarë.  Asetet dixhitale u rritën ndjeshëm për shkak të entuziazmit për miratimin e mundshëm të ETF-ve të bitcoin, por kjo ndjenjë mund të jetë e gabuar.

“Optimizmi për miratimin e mundshëm të fondeve të tregtuara në shkëmbim në bitcoin (ETF) ka nxitur një rritje të fortë në asetet dixhitale, por lëvizja për lart duket e tepruar, tha JPMorgan në një raport kërkimor.

Sipas bankës së investimeve, ka dy argumente kryesore se rritja mund të jetë e tepruar. “Miratimi i ETF-ve në bitcoin do të ndihmonte tregjet e kriptomonedhave për të tërhequr kapital të ri dhe do të çimentonte një fitore për industrinë. Gjithashtu, edhe qasja e Komisionit të Letrave me Vlerë dhe Shkëmbimeve në SHBA ndaj industrisë së kriptomonedhave do të zbutet,” shkruajnë analistët e JPMorgan. Por, banka thotë se është skeptike për të dy argumentet. Në vend që kapitali i ri të hyjë në sektorin e kriptove, ka më shumë gjasa që kapitali ekzistues të kalojë nga produktet aktuale të bitcoin në ETF-të e sapo miratuara.

Pra, mund të mos ketë flukse të reja kapitali. JPMorgan vëren se ETF të tilla tashmë ekzistojnë në Kanada dhe Evropë dhe kanë fituar pak interes nga investitorët që nga fillimi i tyre. Gjithashtu, banka amerikane parashikon një përgjysmim të çmimit të bitcoin, në prill ose maj të vitit të ardhshëm, por ky argument është cilësuar si jo bindës nga analistët pasi efekti i përgjysmimit është i paparashikueshëm.

Megjithatë, të paktën në terma afatshkurtër, duket se bitcoin është stabilizuar pranë nivelit në 37,000 dollarëve, në pritje të vendimit që do të marrë Komisioni i Letrave me Vlerë në SHBA, në lidhje me ETF-të.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.