Bizneset gjermane ndihen më pesimist për gjashtë muajt e ardhshëm!
Ndjenja ekonomike midis sipërmarrësve në Gjermani për situatën aktuale të biznesit ra nga 87.2 në nëntor në 86.4 në dhjetor.
Shifrat, të publikuara nga Indeksi Gjerman i Klimës së Biznesit IFO, ishin të papritura, pasi tregjet kishin parashikuar një përmirësim të lehtë në 87.8.
Ato përfaqësojnë një ndryshim prej -0.92% nga muaji i kaluar dhe -2.81% nga një vit më parë.
Sondazhi merr në konsideratë pikëpamjet e 9,000 firmave në të gjithë sektorin e prodhimit, sektorit të shërbimeve, tregtisë dhe ndërtimit.
Ai mat ndjenjat e sipërmarrësve në lidhje me situatën aktuale të biznesit dhe pritshmëritë e tyre për gjashtë muajt e ardhshëm në një shkallë nga -100 (që përfaqëson pritjet e një ekonomie në përkeqësim) në 100 (që përfaqëson ndjenjat e përmirësimit).
Gjetjet sugjerojnë se një rikuperim i shpejtë në të ardhmen e afërt mbetet i paarritshëm ndërsa viti 2023 po i afrohet fundit.
Sipas mbikëqyrjes ekonomike të ekonomive të BE-së, ekonomia gjermane është përballur me sfida të vazhdueshme këtë vit.
Pas gjysmës së parë të dobët të vitit 2023, prodhimi industrial vazhdoi të bjerë gjatë tremujorit të tretë. Inflacioni i lartë, duke rezultuar në uljen e fuqisë blerëse, ka ndikuar negativisht në konsumin privat.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.