Bizneset, mundësi aksesi në financë e njohuri – Hristiç: BERZH, suport për gratë në biznes dhe SME-të
Aksesi në financë dhe në njohuri janë dy nga sfidat kryesore më të cilat përballen bizneset e vogla dhe të mesme aktualisht, për të cilat Banka Europiane për Rindërtim dhe Zhvillim, ka programe të dedikuara mbështetëse.
Në një intervistë për SCAN TV, Menaxherja e “Keshilla per Bizneset e Vogla”, BERZH, Ardiola Hristiç, bën me dije se një nga këto programe është ai i “Grave në Biznes”, i cili ka si qellim fuqizimin e sipërmarrjeve të drejtuara nga gratë.
Po ashtu, një mbështetje e konsiderueshme me grante jepet për SME-të në sektorë prioritarë të ekonomisë, siç janë agrobinzesi, turizmi, podhuesit, etj.
Aplikimi i këtyre programeve nga BERZH të mbështetura nga donatorë të shumë, ka dhënë kontribut të rëndësishëm në fuqizimin e bizneseve të vogla dhe të mesme në vendin tonë.
Vetëm nga programi i “Grave në Biznes” janë mbështetur 90 kompani dhe janë suportuar 1 mijë biznese të drejtuara nga gra dhe vajza përmes trajnimeve të ndryshme.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.