Bolivia ka rezervat më të mëdha në botë të litiumit – Aktualisht, vendi zotëron rreth 23 milionë metrikë mineral

Aktualisht ka 23 milionë tonë metrikë litium në Bolivi. Një studim qeveritar i kryer më parë, rezultoi në përfundimin se vendi ka rezervat më të mëdha të litiumit në botë.

Kreu i shtetit theksoi se qeveria boliviane tashmë ka filluar negociatat me përfaqësuesit e Bashkimit Europian për investime në projektet e litiumit. Ai tha se të gjithë sytë janë te Amerika Latine dhe Bolivia për shkak të pasurisë që kanë kur bëhet fjalë për litiumin dhe mineralet strategjike.

Bolivia është kthyer në një qendër të rëndësishme investimesh nga firmat ruse dhe kineze për të zhvilluar burimet e saj të mëdha, por kryesisht të pashfrytëzuara të metalit të bardhë, një komponent kyç për bateritë që përdoren për të fuqizuar automjetet elektrike.

I ashtuquajturi “Trekëndëshi i Litiumit” i Amerikës së Jugut mban më shumë se gjysmën e rezervave të litiumit në botë, sipas vlerësimeve të Shërbimit Gjeologjik të Shteteve të Bashkuara të Amerikës.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.