BQE: Përmirësohet inflacioni në Eurozonë – Situata pritet të jetë më optimiste para pushimeve të verës

Para pushimeve të verës, situata ekonomike në eurozonë pritet të jetë më optimiste. Banka Qendrore Europiane ka paralajmëruar një përmirësim të inflacionit në muajt e ardhshëm. Sipas ekspertëve rritja e normave të interesit nga bankat qendrore, po fuknskion

Normat bazë të inflacionit në eurozonë do të fillojnë të përmirësohen në muajt e ardhshëm, por Banka Qendrore Europiane ka ende rrugë për sa i përket politikave të saj monetare. Deklarata u bë nga Joachim Negel, president i Bankës së Gjermanisë dhe anëtar i këshillit qeverisës së BQE-së.

Ai shtoi se pritet që inflacioni bazë të tregojë lëvizjet e para në drejtimin e duhur përpara pushimeve të verës. Negel përmendi të dhënat inkurajuese të inflacionit nga Shtetet e Bashkuara të Amerikës, të cilat tregojnë se rritja e normave të interesit të bankave qendrore po funksionon.

Megjithatë, Shtetet e Bashkuara filluan ciklin e rritjes së normës më herët, shtoi Nagel, duke theksuar se ai priste që cikli shtrëngues i BQE-së të vazhdonte. Të dhënat që tregojnë se çmimet e konsumit në SHBA u rritën më pak se sa pritej në mars, duke përforcuar argumentin se inflacioni po ngadalësohet, por FED pritet të rrisë përsëri normat kur të mblidhet në fillim të muajit maj.

Nagel tha se është e qartë është se politika monetare duhet të vazhdojë të veprojë me vendosmëri për të rivendosur stabilitetin e çmimeve në kohën e duhur. BQE i ka rritur normat me ritmin më të shpejtë të regjistruar gjatë vitit të kaluar, por turbullirat e fundit në tregjet financiare pas dështimeve të dukshme të bankave kanë ngritur dyshime rreth vendosmërisë së saj për të shtrënguar politikat dhe më tej.

Ndërsa inflacioni në eurozonë shënoi rënie rekord sidomos në muajin mars, një masë e cila përjashton çmimet e energjisë dhe ushqimeve, e njohur nga ekonomistët si inflacioni bazë dhe që shihet si një matës më i mirë i prirjes themelore, u përshpejtua.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.