Çmimet e larta nuk frenojnë blerjen e pronave – Gjoka: Rritet interesi për shtëpi të dyta dhe të treta, të ulet taksa mbi shitjet

Rritja e çmimeve të banesave nuk i ka stepur qytetarët në planet e tyre për të blerë një pronë, sidomos në kushtet kur ka pasur një kapërcim edhe të çmimeve të qirave.

Të dhënat zyrtare tregojnë se tatimi i paguar për transaksionet mbi pasuritë e paluajtshme gjatë vitit 2022 është rritur me 53.1 për qind krahasuar një vit më parë. Në një intervistë për SCAN TV, brokeri Gjin Gjoka argumenton arsyet dhe tregon risitë që ka pasur tregu imobiliar.

Por cilët janë kategoritë e qytetarëve që kanë blerë më së shumti prona? Gjoka sugjeron se për ti dhënë më shumë hov këtij tregu  duhet të rishikohet taksa mbi shitjen e pasurive të paluajtshme.

Referuar të dhënave të Drejtorisë së Përgjithshme të Tatimeve, gjatë vitit që kaloi qytetarët shqiptarë kanë derdhur në buxhetin e shtetit afro 61.8 milion euro tatim nga shitja e pronave.

Elisabeta Dosku/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.